రచయిత - వనమాలి
చిత్రం - హ్యాపి డేస్
పాదమెటు పోతున్నా పయనమెందాకైనా
అడుగు తడబడుతున్నా తోడురానా
చిన్ని ఎడబాటైనా కంటతడి పెడుతున్నా
గుండె ప్రతి లయలోన నేను లేనా
ఒంటరైనా ఓటమైనా వెంటనడిచే నీడవేగా
ఓ మై ఫ్రెండ్ తడి కన్నులనే తుడిచిన నేస్తమా
ఓ మై ఫ్రెండ్ ఒడిదుడుకులలో నిలిచిన స్నేహమా
అమ్మ ఒడిలో లేని పాశం నేస్తమల్లే అల్లుకుంది
జన్మకంతా తీరిపోని మమతలెన్నో పంచుతోంది
మీరు మీరు నించి మన స్నేహగీతం ఏరా ఏరాల్లోకి మారే
మోమాటాలే లేని కళే జాలువారే
ఒంటరైనా ఓటమైనా వెంటనడిచే నీడనీవే
ఓ మై ఫ్రెండ్ తడి కన్నులనే తుడిచిన నేస్తమా
ఓ మై ఫ్రెండ్ ఒడిదుడుకులలో నిలిచిన స్నేహమా
వానవస్తే కాగితాలే పడవలయ్యే ఙాపకాలే
నిన్ను చూస్తే చిన్ననాటి చేతలన్నీ చెంతవాలే
గిల్లికజ్జాలెన్నో ఇలా పెంచుకుంటూ తుళ్ళింతల్లో తేలే స్నేహం
మొదలు తుదలు తెలిపే ముడే వీడకుందే
ఒంటరైనా ఓటమైనా వెంటనడిచే నీడనీదే
ఓ మై ఫ్రెండ్ తడి కన్నులనే తుడిచిన నేస్తమా
ఓ మై ఫ్రెండ్ ఒడిదుడుకులలో నిలిచిన స్నేహమా
No comments:
Post a Comment