Raasaleela Vela - Aditya 369

రచయిత - వేటూరి

చిత్రం - ఆదిత్య 369

రాసలీలవేళ రాయబారమేల

మాటే మౌనమై మాయజేయనేలా

రాసలీలవేళ రాయబారమేల

కౌగిలింత వేడిలో కరిగే వన్నె వెన్నలా

తెల్లబోయి వేసవి చల్లె పగటి వెన్నెల

మోజులన్నీ పాడగా జాజిపూల జావళి

కందెనేమో కౌగిట అందమైన జాబిలి

తేనెవానలోన చిలికే తీయనైన స్నేహము

మేని వీణలోన పలికే సోయగాల రాగము

నిదురరాని కుదురులేని ఎదలలోని సొదలుమాని

రాసలీలవేళ రాయబారమేల

మాటే మౌనమై మాయజేయనేలా

రాసలీలవేళ రాయబారమేల

మాయజేసి దాయకు సోయగాల మల్లెలు

మోయలేని తీయని హాయి పూల జల్లులు

చేరదీసి పెంచకు భారమైన యవ్వనం

దోరసిగ్గు తుంచకు ఊరుకోదు ఈ క్షణం

చేపకళ్ళ సాగరాల అలల ఊయలూగనా

చూపు ముళ్ళు ఓపలేను కలల తలుపు తీయనా

చెలువ సోకు కలువ రేకు చలువ సోకి నిలువ నీదు

రాసలీలవేళ రాయబారమేల

మాటే మౌనమై మాయజేయనేలా

రాసలీలవేళ

రాయబారమేల

రాసలీలవేళ రాయబారమేల