రచయిత - భాస్కర బట్ల
చిత్రం - జ్యో అచ్యుతానంద
ఆకుపచ్చని చందమామలా మారిపోయె భూలోకం
ఈరోజే గమ్మత్తుగా
గోరువెచ్చనీ సూర్యకాంతిలా తాకుతోంది ఆనందం
దాచెయ్యాలన్నంతగా
కేరింతల్లో ఇలా సీతాకోకలా ఎగిరిందిలే మనస్సంతా
సంతోషం ఏదంటూ అందర్నీ అడగాలా
మనచుట్టే ఉంటుందిగా చూస్తే ఇలా
ఆహాహా బాగున్నది
ఈ హాయి బాగున్నది
ఆకుపచ్చని చందమామలా మారిపోయె భూలోకం
ఈరోజే గమ్మత్తుగా
గోరువెచ్చనీ సూర్యకాంతిలా తాకుతోంది ఆనందం
దాచెయ్యాలన్నంతగా
తరించే క్షణాలే ఏరి క్షణంలో నిధుల్లా మార్చుకుందాం
తమాషా కబుర్లే తెచ్చి మనస్సు అరల్లో పేర్చుకుందాం
వసారాలు దాటొచ్చాయీ వసంతాలు ఈ వేళా
తుషారాలు చిరునవ్వుల్లో కురిసేలా
ప్రతీ దారి ఓ మిణుగుర్లా మెరుస్తోంది ఈ వేళా
కలుస్తున్నవే నింగీనేలా
ఆహాహా బాగున్నది
ఈ హాయి బాగున్నది
ఆహాహా బాగున్నది బాగున్నది
భుజంతో భుజాన్నే తట్టి బలంగా భరోసా ఇచ్చుకుందాం
ఒకర్లో ఒకర్లా మారి నిదర్లో కలల్నే పంచుకుందాం
మహా మత్తులో ఈరోజే పడేస్తోంది ఈ గాలీ
సుగంధాలు ఏం జల్లిందో అడగాలీ
మరో పుట్టుకా అన్నట్టూ మరీ కొత్తగా ఉంది
ఇదేం చిత్రమో ఏమోగానీ
ఆహాహా బాగున్నది
ఈ హాయి బాగున్నది
No comments:
Post a Comment