రచయిత - సిరివెన్నెల సీతారామ శాస్త్రి
చిత్రం - రుద్రవీణ
చుట్టుపక్కల చూడరా చిన్నవాడ
చుక్కల్లో చూపు చిక్కుకున్నవాడ
చుట్టుపక్కల చూడరా చిన్నవాడ
చుక్కల్లో చూపు చిక్కుకున్నవాడ
కళ్ళముందు కటిక నిజం
కానలేని గుడ్డి జపం
సాధించదు ఏ పరమార్ధం
బ్రతుకును కానీయకు వ్యర్ధం
సాధించదు ఏ పరమార్ధం
బ్రతుకును కానీయకు వ్యర్ధం
చుట్టుపక్కల చూడరా చిన్నవాడ
చుక్కల్లో చూపు చిక్కుకున్నవాడ
స్వర్గాలను అందుకొనాలని వడిగా గుడి మెట్లెక్కేవు
సాటి మనిషి వేదన చూస్తూ జాలిలేని శిలవైనావు
కరుణను మరిపించేదా చదువు సంస్కారం అంటే
గుండె బండగా మార్చేదా సంప్రదాయమంటే
కరుణను మరిపించేదా చదువు సంస్కారం అంటే
గుండె బండగా మార్చేదా సంప్రదాయమంటే
చుట్టుపక్కల చూడరా చిన్నవాడ
చుక్కల్లో చూపు చిక్కుకున్నవాడ
నువ్వు తినే ప్రతి ఒక మెతుకు ఈ సంఘం పండించింది
గర్వించే ఈ నీ బ్రతుకు ఈ సమాజమే మలిచింది
ఋణం తీర్చు తరుణం వస్తే తప్పించుకు పోతున్నావా
తెప్ప తగలపెట్టేస్తావా ఏరు దాటగానే
ఋణం తీర్చు తరుణం వస్తే తప్పించుకు పోతున్నావా
తెప్ప తగలపెట్టేస్తావా ఏరు దాటగానే
చుట్టుపక్కల చూడరా చిన్నవాడ
చుక్కల్లో చూపు చిక్కుకున్నవాడ
కళ్ళముందు కటిక నిజం
కానలేని గుడ్డి జపం
సాధించదు ఏ పరమార్ధం
బ్రతుకును కానీయకు వ్యర్ధం
చుట్టుపక్కల చూడరా చిన్నవాడ
చుక్కల్లో చూపు చిక్కుకున్నవాడ
No comments:
Post a Comment