Mounamelanoyi - Sagara Sangamam

రచయిత - వేటూరి

చిత్రం - సాగర సంగమం

మౌనమేలనోయి మౌనమేలనోయి ఈ మరపురాని రేయి

మౌనమేలనోయి ఈ మరపురాని రేయి

ఎదలో వెన్నెల వెలిగే కన్నుల

ఎదలో వెన్నెల వెలిగే కన్నుల

తారాడే హాయిలో

ఇంత మౌనమేలనోయి ఈ మరపురాని రేయి

పలికే పెదవి వణికింది ఎందుకో

వొణికే పెదవి వెనకాల ఏమిటో

కలిసే మనసులా విరిసే వయసులా

కలిసే మనసులా విరిసే వయసులా

నీలి నీలి ఊసులు లేతగాలి బాసలు

ఏమేమో అడిగినా

మౌనమేలనోయి ఈ మరపురాని రేయి

హిమమే కురిసే చందమామ కౌగిట

సుమమే విరిసే వెన్నెలమ్మ వాకిట

ఇవి ఏడడుగులా వలపు మడుగులా

ఇవి ఏడడుగులా వలపు మడుగులా

కన్నె ఈడు ఉలుకులు కంటిపాప కబురులు

ఎంతెంతో తెలిసినా 

మౌనమేలనోయి ఈ మరపురాని రేయి

ఇంత మౌనమేలనోయి ఈ మరపురాని రేయి

ఎదలో వెన్నెల వెలిగే కన్నుల

ఎదలో వెన్నెల వెలిగే కన్నుల

తారాడే హాయిలో

ఇంత మౌనమేలనోయి ఈ మరపురాని రేయి